Sanaagmedia
Sports
CODKIINA HA IIBSANINA Abwaan Xuseen Farjar
CODKIINA HA IIBSANINA Abwaan Xuseen Farjar
11 hours ago

  Hordhac Maansadan waxaa curiyey Abwaan Xuseen Maxamed Cali “Xuseen Farjar” Maansaduna waxay ka hadlaysaa ololihii doorashooyinka iyo dadku sida ayna xisbnimada ugu bislayn, halkay mabda’, xisbinimo iyo waxqabad ku dooran lahaayeen ayay ku doorananayaan qablyaalad hunguri, Haddaba Maansadu waxay tilmaamaysaa haduu ninku laaluush/lacag ku soo boxo oo uu ku […]

Share
  • CODKIINA HA IIBSANINA Abwaan Xuseen Farjar
    CODKIINA HA IIBSANINA Abwaan Xuseen Farjar
    CODKIINA HA IIBSANINA Abwaan Xuseen Farjar

     

    Hordhac

    Maansadan waxaa curiyey Abwaan Xuseen Maxamed Cali “Xuseen Farjar” Maansaduna waxay ka hadlaysaa ololihii doorashooyinka iyo dadku sida ayna xisbnimada ugu bislayn, halkay mabda’, xisbinimo iyo waxqabad ku dooran lahaayeen ayay ku doorananayaan qablyaalad hunguri, Haddaba Maansadu waxay tilmaamaysaa haduu ninku laaluush/lacag ku soo boxo oo uu ku helo xilka inay yartahay si uu u guto dantii caam ahaaneed ee bulshadu ka sugaysay, ilayn codkii baa laga iibiyey eh, Hadaba waatan maansadii oo dulucdeeda xambaarsan.


    Hadii caashaq guur ku galo

    Haday naftu codato inan

    Cid loo diidaad ogtahay

    Adowgeed cuud ku xidhay

    Horweyn geel lagaa cugtamo

    Haday kaa cakiranto talo

    Ilaahbaa la cuskadaa

    Awood baa la ciirsadaa

    Waxaad calalaafto iyo

    Waxaad cid kazoo heshoba

    Haddaad ka carowdo godol

    Adoo caydh lagaaga tegey

    Wax caws gooya aan lahayn

    Haddii canab aad hantido

    Adaan caantayn lahadhin

    Calaacalo madhan fadhiya

    Ninkaad cuudka siisay shalay

    Haduu soo carraabo galab

    Hadduu kuu yami caweys

    Haduu calaf kaa martiyo

    Miyaad caaniyo baruur

    Caloosha u buuxisaa.

     

    Cadkii uu kugu lahaa

    Ciskiisi miyaad guddaa

    Adaan u calool xumayn

    Haddii dhaqan lagu cabiro

    Wixii ceeb halkaa ka dhaca

    Canaano hadhow ka tami

    Bulshow u cadaalad qaad

    Cid saaroo dhab u caddee.

     

    Islaamku waxbaanu cunin.

    Abiid caado u lahayn

    Waxbaa ceeb kuu diloo

    Hadana aan cadiyad lahayn

    Ciddii caynkaa fashana

    Calaamad ku taala noqon

    Ujeedadu way cadahay

    Cadaalad hadaad rabtaan

    Bulshoy iyo cidhib danbeed

    Codkina ha iibsanina.

    Qabyaalad ha caawinina

    Ninkaad calankaa dhan iyo

    Masiirkiinii cuslaa

    Ciddiiba ku aaminteen

    Bulshoy aad cawaansan layd

    Hadii aad cago jartaan

    Codkiinii ka iibisaan

    Miyaan cidhib xumo ku jirin

     

    Cadceediba waa cadceed

    Cusaybkeeday la tami

    Caddaalad haddaad rabtaan

    Codkiinna ha iibsannina

    Qabyaalad ha caawanina

    Cisi iyo nabad loo caweyn

    Dan caamiyo cidhibdanbeed

    Inaad caafimaad leddaan

    Caddaaladna aad heshaan

    Ciddaad caawa doorataan

    Codkiinnay ku xidhan tahay

     

    Ninkii aad cawaansanlayd

    Hadaad caydh uga tagtaan

    Asuu guul culusba helo

    Kursiga caynkaa latago

    Muxuu ku caloolsamaan

    Muxuu ku cadaalad fali

    Sidaad barito uga caban

    Canaantu xagay ka qaban

    Codkii baad ka iibisoo

    Cuudkiisuu ku soo baxee.

     

    Cashuurtii halkay martiyo

    Wixii caawimo lahelay

    Hadaad ku calaacashaan

    Haddii aanu caanad qaban

    Iskuul caamiyo caqeel

    Adeegyadii caafimaad

    Cidhiidhi galaan biyuhu

    Maxaad kaga caban bulshoy

    Codkii baad ka iibisoo

    Cuudkiisuu ku soobaxee

    Canaantu halkay ka qaban

    Ujeedadu way cadahay

    Cadaalad hadaad rabtaan

    Codkiina ha iibsanina

    Qabyaalad hacaawinina

    Image result for Xuseen Farjar

    Share
    November 19, 2017, 6:51 pm
  • Madaxweyne Siilaanyo Walaalkii oo kula Dardaarmay inuu Wareejiyo Dal iyo Dad Mideysan
    Madaxweyne Siilaanyo Walaalkii oo kula Dardaarmay inuu Wareejiyo Dal iyo Dad Mideysan
    Madaxweyne Siilaanyo Walaalkii oo kula Dardaarmay inuu Wareejiyo Dal iyo Dad Mideysan

    Madaxweyne Siilaanyo Walaalkii oo kula Dardaarmay inuu Wareejiyo Dal iyo Dad Mideysan

    “..Saaxibkay Saleebaan Maxamuud Aadanow adiga iyo Walalkay Axmed Siilaanyo waxaad joogtaan labadii boos ee daalka ugu sarreeyey, ee yaanay gacantiina ku guban Somaliland, Saleebaanow Maanta..”

    Siyaasi Daahir Warsame Yuusuf

    Burco(Qaran news)-Madaxweyne Siilaanyo habar-wadaaggii rumaad, ayaa ka hadlay Xaaladda maanta Somaliland soo food-saartay iyo masuuliyadda iyo waajibaadka looga baahan yahay inay la yimaaddaan Madaxweyne Siilaanyo iyo Guddoomiyaha Guurtida Saleebaan-Gaal oo ku kala fadhiya labadii Kursi ee dalka ugu sarreeyey.

    Siyaasi Daahir Warsame Yuusuf oo ay Habro-wadaag yihiin Madaxweyne Axmed-Siilaanyo, ayaa Madaxweyne Siilaanyo iyo Saleebaan gaal ugu baaqay inay Caddaaladda iyo Xaqa u hiiliyaan, isla markaana Afar Wiil oo Somaliland Sumcaddeeda dilaya aan lagu sii dayn, sidoo kale waxa uu ugu baaqay in la ilaaliyo Qarannimada, Midnimada, Wada-jirka, Nabadda Bulshada ilaaliyaan, Dalkana badbaadiyaan Maanta oo ay si cadaalad ah uga taliyaan doorashada Madaxtooyada ee 13-kii bishan dalka ka qabsoontay oo Xisbiga Waddani shaaciyey in Kulmiye ku Shubtay, Caddaymo kashifmayna uu soo bandhigay, Murankuna ka taagan yahay, Fadeexaddeeduna dul-hoganayso Guddiga doorashooyinka Somaliland.

    Related image

    “..Walaalkay Madaxweyne Axmed Siilaanyo, waxan leeyahay, Ilahay waxan kaga baryayaa inaad caafimaad iyo nabad-gelyo ku dhamaysato xilkaaga. Waxad Maanta ku jirtaa Xaalad, Waqtigaagii waa gebo-gebo, ee Bi’iwaayee walaal yaanay Maanta Somaliland gacantaada ku burburin. Walal Madaxweyne Axmed Siilaanyo ka dhabbee tii uu kugula taliyey madaxweynihii ka horeeyey saaxibkaa Daahir Riyaale, ee dal iyo dad mideysan. Ilahay-baan kugu dhaariyee, afartaa xubnood ee lagugu dardaaray dalka ku dhiib. Madaxweyne soo celi sumcadii Somaliland oo cadaaladda ka shaqee”.

    Waxa kaloo uu intaa ku daray “..Saaxibkay Saleebaan Maxamuud Aadan adiga iyo Axmed Siilaanyo waxaad joogtaan labadii boos ee daalka ugu sarreeyey, ee yaanay gacantiina ku guban Somaliland, Saleebaanow Maanta”. Ayuu yidhi. Siyaasi Daahir Warsame Yuusuf.

    Share
    November 19, 2017, 12:13 pm
  • Khilaafka Dunidda Carabtu Waa Qisadii Saddexdii Dibbi
    Khilaafka Dunidda Carabtu Waa Qisadii Saddexdii Dibbi
    Khilaafka Dunidda Carabtu Waa Qisadii Saddexdii Dibbi

    Khilaafka Dunidda Carabtu Waa Qisadii Saddexdii Dibbi

    Wariye : Saciid Faarax Cagjar

    Xaaladda Waddamada Musliminta ayaa maanta u muuqata mid tafaraaruqeeda iyo kala qaybsanaanteedu sii baahayso, waana siyaasad weyn oo ay wakhti hore dejiyeen dalalka reer galbeedka iyo Israa’iil

    Si Meesha looga saaro gebi ahaanba Muslimiin middaysan oo awood leh waxayna reer Galbeedku dhigeen shax qoto dheer oo ay ku abuuraan khilaaf lagaga huriyo dunida Islaamka ah iyada oo la maan-guurinayo awoodooda midnimo waxaanay ka dhigeen lafo geri iyaga ayaa laysku jebiyaa.

     

    Maraykanka iyo Xulafadiisa ayaa burburiyey Dalal badan oo Islaam ah Sida Afganistan, Ciraaq, Liibiya , Siiriya , Yemen iyo Soomaaliya, waxaana ay burburintooda u adeegsadeen qaar ka mid ah dalalka Muslimka waayo qof lagama awood bato ilaa la helo qof u dhow waa halkii ay murtida Soomaaliyeed ka ahayd “Guddin yahay ima aad goyseen haddaan badhkay kugu jirin”

    Khilaafka ka bilaabmay dunida Khaliijka iyo dalka Qadar ayay hurinayaan waddamo shisheeye markaa miyaaney u muuqanayn sheekada aynu halkan hoose ku lafa guri doono, taasoo ka dhigan Saddexda Dibi iyo Libaax .

     

    Waxaa meel ku wada noolaan jirey saddex dibi. Dibiga koowaadi wuu madoobaa, ka labaadina wuu caddaa, midka saddexaadna wuu casaa. Saddexdan dibi nolol fiican ayey ku haysteen meesha ay deganaayeen oo barwaaqo ayey ahayd. Sida ay u joogeen ayaa waxaa maalin maalmaha ka mid ah la soo derisay libaax.

     

    Waxa uu Libaaxii bilaabay inuu wax ugaadhsado, laakiin waxba wuu heli waayey. Muddo ka dib se waxa uu arkay saddexdii dibi. Wuxuu ku tashadey inuu dibiyadan cuno. Laakiin nasiib darro, libaaxii markii uu ku soo dhawaaday dibidii ayey dibidu arkeen libaaxa. Markii ay soo jeesteenna waxa ay hal mar weerar ku soo qaadeen libaaxii, oo ay eryadeen.

     

     

    Libaaxii firxadka ahaa waxa uu ka yaabay sida ay dibidu isugu duubanyihiin. Wuxuuna ku fikiray inuu isku diro dibida, oo uu mid mid u ugaadhsado iyagoo kala jabsan. Wuxuu u dhawaaqay dibidii; wuxuuna ku yidhi, “Walaalayaalow, aan nabad kuwada noolaanno.”

    Saddexdii dibi aad ayey u farxeen. Waxay ku farxeen inuu maanta libaaxu nabad raadis yahay. Waxayna ogaayeen inay nabaddu ay iyaga u fiican tahay, oo ay ku badbaadi karaan. Waxaanay ku jawaabeen, “Waayahay libaaxow.”

     

     

    Markii ay libaaxii iyo dibidii is dhex galeen ayaa waxa uu libaaxii bilaabay inuu dibida isku diro. Goor fiid ah ayuu libaaxii la sheekaystay dibigii madoobaa iyo kii casaa. Waxa uuna ku yidhi:

    “Ma ogtihiin in dibiga caddi uu khatar inoo keeni karo: Habeenkii marka ay gudcurka tahay ayaa midabkiisa caddaanka ah la soo raaci karaa. Waxaana la ogaan karaa inaynu meeshan barwaaqada ah deggan nahay. Waana layna soo weerari karaa, oo meesha laynaga saari karaa. Marka, saw ma habboona inaan dibiga cad iska qabanno, oon araggiisa qarinno?”

     

    Labadii dibi waxay isku mar yidhaahdeen, “Alla haa. Waa runtaa libaaxow.” Waxa ayna isla habeenkiiba dileen dibigii caddaa. Raqdii dibiga cadna waxaa goor saq-dhexe ahayd u tegay libaaxii, oo cunay. Labadii dibi ee hadhayna kama aysan war-haynin in uu libaaxu cunay dibiga dhintay.

     

    Isla habeenkii xigay, waxa uu libaaxii la sheekaystay dibigii madoobaa. Waxa uuna ku yidhi, “Ma ogtahay in dibiga casi uu khatar inoo keeni karo: Marka ay qorraxdu kululaato waxa uu dibiga casi uraa dhiig-dhiig. Waana laynagu soo raaci karaa haddaynaan caawa iska qaban.”

     

    Dibigii madoobaa waxa uu ku yidhi libaaxii, “Waa runtaa libaaxow. Laakiin, keligay ma dili karo dibiga case, adiga kaalay oo i raac oo ila dil.” Libaaxii iyo dibigii madoobaa waxa ay soo dileen dibigii casaa. Saq-dhexe markii ay ahaydna waxaa raqdii dibiga cas cunay libaaxii. Dibigii madoobaana kama war-haynin.

     

    Isla maalintii xigtay, waxa uu libaaxii ciddiyaha u soo soofeystay dibigii madooobaa. Markii uu dibigii madoobaa arkey in libaaxa uu ka xoog badan yahay oo dilayo ayaa waxa uu yidhi, “Saaxiibkii dile, silic baa u dambeeya! , Maanta man dhiman ee maalintii dibbiga cad la dilay ayaa dhinat ”

    Waxaa xaqiiq ah in Waddamada Islaamka la loodin Karin inta ay midaysan yihiin sidaa darteed waxaa la doonayo in laysku jebiyo marka ay itaal beelana si yar loo u gaadhsado

     

    Ugu danbayn Xukumadda Somaliland waxaa ugu baaqayaa inay dhex ka ahaato Khilaafka Waddamada Islaamka oo ay ka shaqayso midaynta dadkeeda iyo Dunida Muslimka ah “

    Share
    November 5, 2017, 8:14 pm
  • Shaxda rasmiga ah ee ay garoonka kusoo geli doonaan kooxaha Man City iyo Arsenal kulanka ka dhacaya Etihad Stadium
    Shaxda rasmiga ah ee ay garoonka kusoo geli doonaan kooxaha Man City iyo Arsenal kulanka ka dhacaya Etihad Stadium
    Shaxda rasmiga ah ee ay garoonka kusoo geli doonaan kooxaha Man City iyo Arsenal kulanka ka dhacaya Etihad Stadium

    MAN CITY: Ederson, Walker, Stones, Otamendi, Delph, Fernandinho, David Silva, Sane, De Bruyne, Sterling, Aguero

    KEYDKA: Bravo, Danilo, Gundogan, Mangala, Bernardo Silva, Jesus, Toure

    ARSENAL: Cech, Bellerin, Monreal, Koscielny, Kolasinac, Coquelin, Xhaka, Ramsey, Ozil, Sanchez, Iwobi

    KEYDKA: Macey, Debuchy, Lacazette, Wilshere, Giroud, Walcott, Elneny.

    Share
    November 5, 2017, 7:24 pm
  • DEG DEG: Chelsea oo xaaladdu ku xun tahay, xiddig muhiim ah ayaana seegaya kulanka ay wajahayaan Man United
    DEG DEG: Chelsea oo xaaladdu ku xun tahay, xiddig muhiim ah ayaana seegaya kulanka ay wajahayaan Man United
    DEG DEG: Chelsea oo xaaladdu ku xun tahay, xiddig muhiim ah ayaana seegaya kulanka ay wajahayaan Man United

    Hal saac ka dib waxaa garoonka Stamford Bridge ee galbeedka London ka bilaaban doona kulanka xiisaha iyo xamaasadda leh ee ka tirsan horyaalka England Premier League kaasoo dhexmaraya kooxaha Chelsea iyo Manchester United.

    Laakiin kooxda tababare Antonio Conte waxaa kulankaan ka maqnaan doona daafacooda dambeedka dhexe ee reer Brazil David Luiz, sida ay warbaahinta Ingiriisku sheegeyso.

    Sky Sports News ayaa sheegeysa inuu David Luiz yimid garoonka Stamford Bridge isagoo aan xirneyn maaliyadda rasmiga ah ee kooxda, kamana uusan qeyb qaadan almiintada.

    Warbixintaan ayaa soo jeedineysa in uusan Luiz ku jirin liiska ciyaartoyda guud ee uu Conte usoo xushay derbiga ka dhacaya Stamford Bridge.

    Si kastaba ha ahaatee, Sky Sports News waxay sheegeysaa in uusan wax dhaawac ah qabin daafacii hore ee kooxda PSG.

    Share
    November 5, 2017, 7:22 pm
  • Dele Alli oo seegi doona kulamada saaxiibnimo ee ay xulka England wajahayaan Germany iyo Brazil, sababtana waa la xaqiijiyey
    Dele Alli oo seegi doona kulamada saaxiibnimo ee ay xulka England wajahayaan Germany iyo Brazil, sababtana waa la xaqiijiyey
    Dele Alli oo seegi doona kulamada saaxiibnimo ee ay xulka England wajahayaan Germany iyo Brazil, sababtana waa la xaqiijiyey

    Kubadsameeyaha kooxda Tottenham Hotspur Dele Alli ayaa seegi doona ciyaaraha saaxiibnimo ee uu xulka qaranka England wajahayo xulalka Germany iyo Brazil.

    Dele Alli ayaa waxaa soo gaaray dhaawac cajirka ah, kaasoo uu ku seegay kulankii ay kooxdiisu galabta guusha ka gaartay Crystal Palace. Xiddigaan ayaana qaab ciyaareed wanaagsan ku jiray kulamadii ugu dambeeyey isagoo dhaliyey afar gool afartii kulan ee ugu dambeysay.

    Dhanka kale, tababaraha Tottenham Mauricio Pochettino ayaa daaha ka qaaday inuu si weyn uga cabsi qabo in dhaawaca 21 sanno jirkaan uu halis yahay.

    England ayaa wajaheysa Germany Jimcada kulan ka dhacaya Wembley Stadium ka dibna isla Wembley Stadium ayey kusoo dhoweyn doontaa xulka Brazil 14ka bishaan November.

    Share
    November 5, 2017, 7:19 pm
  • Half Time: Chelsea iyo Man United oo Is Mari Weesay Cayaar La Is Gaad Gaadayo
    Half Time: Chelsea iyo Man United oo Is Mari Weesay Cayaar La Is Gaad Gaadayo
    Half Time: Chelsea iyo Man United oo Is Mari Weesay Cayaar La Is Gaad Gaadayo

    Qaybta hore ee cayaarta kulanka weyn Stamford Bridge ka socoto ayaa 0-0 kusoo idlaatay una dhaxeeyo Chelsea iyo Man United.

    Chelsea ayaa qaybto dareen ku aadan inay mudnaayeen qaybta hore inay hogaanka kulankaan u qabtaan inkastoo labada koox aad taxadir dheeraad ah u muujinayeen.

    Phil Jones ayaa gool iska dhaliyay cayaarta oo 7-daqiiqo socoto balse waxaa loo diiday in Morata uu daafacan riixay ama qalad ku galay.

    Cayaartan fursado qaali ah waxaa iska qasaariyeen Bakoyoka iyo Rashford sidoo kalena Hazard isagana fursado kala duwan ayuu sameeyay balse De Gae ayaa la tacaalay.

    Sida guud qaybta hore ee cayaarta 0-0 kusoo idlaatay waxaa fir fircooneed Blues balse United daafaceed ayay ilaashatay madaama ay safar tahay.

    Waxaa qasab ah in Conte kooxdiisa lasoo dar daarmi doono si ay weerar dheeraad ah qaybta dambe u qaadaan halka Mourinho isagana xidigahiisa ku boorin doono inay daafacooda xajistaan.

    Share
    November 5, 2017, 7:14 pm
  • Tababare Gaurdiola muxuu ka yirii gushii weyneed uu Arsenal ka helay
    Tababare Gaurdiola muxuu ka yirii gushii weyneed uu Arsenal ka helay
    Tababare Gaurdiola muxuu ka yirii gushii weyneed uu Arsenal ka helay

    Kooxda Man City waxay 3-1 ku garaacday naadiga Arsenal kulankeedii ugu dambeeyay Premier League markalena kooxda Pep Guardiola naadi weyn ayay dhaga u laabtay.

    Pep Guardiola ayaa ka hadlay guushii weyneed ee uu Arsenal ka helay wuxuuna yiri “Aadban ugu faraxsanahay inaan koox weyn sida Arsenal oo kale sedex dhibcood ka helnay kulan adag oo indhaha lagu wada haayay”

    “Fursado badan ayaan abuurnay kulankaan sidoo kalena cayaarta waxay ahayd midd adag anagoo daal na haayay madaama aan Champion-ka maalmo ka hor Napoli lasoo cayaarnay”

    “Waan guuleesanay waxaana helany sedex dhibcood oo qaali ah oo aan u qalanay waxaana cayaartooydeyda u rajeynaa inay kasoo laabtaan kulamada waajibaadka qaramada ayagoo caafimaad qabaan”

    Share
    November 5, 2017, 7:04 pm
  • Daawo Wacdaraha Ololaha & Cududa Taageerada Xisbiga Waddani ku soo bandhigay Ceerigaabo
    Daawo Wacdaraha Ololaha & Cududa Taageerada Xisbiga Waddani ku soo bandhigay Ceerigaabo
    Daawo Wacdaraha Ololaha & Cududa Taageerada Xisbiga Waddani ku soo bandhigay Ceerigaabo

    Daawo Wacdaraha Ololaha & Cududa Taageerada Xisbiga Waddani ku soo bandhigay Ceerigaabo

    Share
    November 5, 2017, 6:54 pm
  • War Deg Deg Ah Mudaharaad Lagaga Soo Hor Jeedo Wersheda Beeyada Ee Laga Dhagax Dhigay Burco Oo Magaalada Ceerigaabo ka Dhacay
    War Deg Deg Ah Mudaharaad Lagaga Soo Hor Jeedo Wersheda Beeyada Ee Laga Dhagax Dhigay Burco Oo Magaalada Ceerigaabo ka Dhacay
    War Deg Deg Ah Mudaharaad Lagaga Soo Hor Jeedo Wersheda Beeyada Ee Laga Dhagax Dhigay Burco Oo Magaalada Ceerigaabo ka Dhacay

    War Deg Deg Ah Mudaharaad Lagaga Soo Hor Jeedo Wersheda Beeyada Ee Laga Dhagax Dhigay Burco Oo Magaalada Ceerigaabo ka Dhacay iyo Badhasaab Ku Xigeenka Oo ka Hadlay

    Image result for Mudaharaad

    Share
    August 8, 2017, 11:31 am