Sanaagmedia
Maqaalo
  • Warbixin: Haweenka Somaliland Oo Walaac Ka Muujiyay Xeerka Jinsiyadaha
    Warbixin: Haweenka Somaliland Oo Walaac Ka Muujiyay Xeerka Jinsiyadaha
    Warbixin: Haweenka Somaliland Oo Walaac Ka Muujiyay Xeerka Jinsiyadaha

    Haweenka Somaliland ayaa waxay walaac ka muujiyeen Xeerka jinsiyadda oo sheegaya in haddii haweenayda reer Somaliland ahi ay guursato nin ajinabi ah ay waayi doonto dhalashada dalkeeda. Sidoo kale xeerkan oo baarlamaanka Somaliland ay ansixiyeen sanadkii 2002dii ayaa waxa uu u damaanad qaadayaa haweenka ajinabiga ah ee ay soo guursadaan ragga reer Somaliland ina ay heli karaan dhalashada waddanka xittaa haddii haweeynayda la furo way sii haysan kartaa dhalashada Somaliland.

    Link: https://www.youtube.com/watch?v=7p1bxbPgA6s&feature=share

    Khaalid Foodhaadhi
    Reporter: Saab TV
    Hargeysa, Somaliland.
    Khaalidfoodhaadhi@gmail.com

    Mobile: +252634012548
    Thank you.

    Share
    November 5, 2017, 8:29 pm
  • Aqoonyahan Maxamed Sultan Suleymaan Oo Shaaciyey In Uu Ku Biiray Xisbiga Isbedel-Doonka Ee Waddani.
    Aqoonyahan Maxamed Sultan Suleymaan Oo Shaaciyey In Uu Ku Biiray Xisbiga Isbedel-Doonka Ee Waddani.
    Aqoonyahan Maxamed Sultan Suleymaan Oo Shaaciyey In Uu Ku Biiray Xisbiga Isbedel-Doonka Ee Waddani.

    Taariikhda waa markii ugu horeysay ee aan ku biiro xisbi kamid ah xisbiyada siyaasadda Somaliland.

    Sababta ugu weyn ee aan maanta siyaasadda ugu biirayaa waa dadkaygii reer Somaliland oo ku gudo jira ololaha doorashada ee lagu soo dooranayo hogaamiyayaashii dalka xukumi lahaa (5) shanta sanno ee soo socota.
    Markaan darsay, qiimeeyay siyaasadda (3) saddexda xisbi ku tartamayaan waxa ii soo baxday in xaq iyo baadil tartamayo. Sidaa darteed maanta laga bilaabo waxan ku biirayaa xisbiga rajada shacabka ee Wadani. Waxanan halkan ka cadaynayaa in wixii talo iyo tusaale aan hayo ku biirin doono xisbiga Wadani.

    Waxan halkan fariin dardaaran ah uga dirayaa dhammaan dadka wax garadka ah ee aanu talo wadaaga nahay.
    Walaalayaal waxa maanta tartamaya xaq iyo baadil,Waxa inagu waajib ah in aynu u hiilino xisbiga Wadani ee ay hogaaminayaan sama-wadaaysha Dr- Cabdiraxmaan Cirro iyo Amb- Maxamed Cali.
    Dani waa seeto walaalayaal, ee yaanay ina seegin maanta.Aqoonyahan Maxamed Sultan Suleymaan Oo Shaaciyey In Uu Ku Biiray Xisbiga Isbedel-doonka Ee Waddani.

    Fadlan u codeeya xisbiga Wadani.

    Guul Wadani

    Maxamed Suldaan Saleebaan
    Sweden

    Share
    November 5, 2017, 8:27 pm
  • Maxamuud Xaashi Cabdi Waa Wasiirka Ugu Musuq Maasuqa Iyo Leex Leex Badan Somaliland Qalinkii: Axmed Siciid Sikaawe
    Maxamuud Xaashi Cabdi Waa Wasiirka Ugu Musuq Maasuqa Iyo Leex Leex Badan Somaliland Qalinkii: Axmed Siciid Sikaawe
    Maxamuud Xaashi Cabdi Waa Wasiirka Ugu Musuq Maasuqa Iyo Leex Leex Badan Somaliland Qalinkii: Axmed Siciid Sikaawe

    Maxamuud Xaashi Cabdi Waa Wasiirka Ugu Musuq Maasuqa Iyo Leex Leex Badan Somaliland Qalinkii: Axmed Siciid Sikaawe

    Wasiirka Madaxtooyada ee wakhti xaadirkan Haya xogta Aqalka Madaxtooyada Somaliland Maxamuud Xaashi Cabdi ayaa Nasiib u yeeshay in uu maamulo Lacagihii ugu badnaa ee Somaliland so mara isaga oo arintaasi bedelkeeda dalka u horseedey Musuq maasuqii ugu badnaa ee Somaliland ka dhaca
    Waxaanu  noqdey wasiirkii ugu maasuq maasuqa badnaa ee soo mara Somaliland Mudadii ay jirtey iyada oo qodobo cadaymo ah aynu ku soo bandhigi doono Qormadan isla markaana aynu mid mid u dul istaagi doono mashaariicda kala duwan ee uu maamulay iyo siyaabihii sharciga baal marsanaa ee uu ugu takri falay Hantida Qaranka,
    Waxaana uu ku soo beegmay xili ay xukumada Axmed Maxamed Siilaanyo dalal dhowr ah oo u badan Khaliijka uu ka helay mucaawimooyin kala duwan oo ay ugu talo galeen in ay Somaliland kaga taageeraan dhinacyada horumarinta kaabayaasha arimaha bulshada iyo dano dhinacooda ahba oo ay ka leeyihiin mustaqbalka Somaliland.
    Mashaariicda uu lacagahooda isagu maamulay ayaa waxa ka mid ah deeqo ka yimi dalka Kuwait iyo sidoo kale mashaaricda maal galineed ee dawlada Imaaraatku ku kiraysatay Dekeda Berbera iyo sidoo kale qorshaha ay doonayso in ay Berbera ka yagleesho saldhig Milatari. Kuwaasi oo ay ku bixisay Malaayiin Doolar.
    Lacagahaasi oo uu maamulkeeda nasiib u yeeshay Maxamuud Xaashi xiligii uu ahaa Wasiirka Duulista iyo hada oo uu yahay Wasiirka Madaxtooyada una igmaday Madaxwayne Siilaanyo maadaama uu aad u Da’wayn yahay Madaxwaynihii la doortey Xukunka Talada dalka  gacan yarihiisa koobaadna uu isagu yahay.
    Waxaanu gacanka ku dhigay Maamulka Lacagihii kala duwanaa ee dalalka Carabtu soo gaadhsiiyeen Somaliland oo ay ugu horeysay Dawlada Kuwait oo Lacag dhan 10 Milyan oo Doolar ugu Deeqday dhismaha Madaarada dalka iyada oo badiba Shacabka Somaliland aaminsan yihiin in Wasiir Xaashi oo boqolkiiba Konton 50% jeebka ku shubtey lacagtaasi Xukumada Kuwait ugu talo gashay in ay Somaliland Madaaradeeda ku casriyeyso,
    xiligaasi oo uu Wasiirkani ahaa isla Wasiirka Duulista iyada oo dadka intooda badan marka ay arkaan dhismaha Madaarka Caasimada Hargeysa ay la yaab ku noqotay dayaca ka muuqda iyo xadiga lacagta loogu deeqay dhismaha Madaarada dalka iyada oo ay xusid mudan tahay in aanu jirin Madaar kale oo dalka ka shaqeeya.
    Maxamuud Xaashi Cabdi ayaa sidoo kale waxa uu mudadii uu ahaa wasiirka Duulista iyo Hawada Somaliland Madaarka Cigaal ka hir gashaday mashaariic gaar u ah isaga oo uu cid kale ku magacaabay isaga oo sidoo kale ku soo rogay Dhoofayaasha iyo Soo degeyaasha Madaar lacago gaar ah oo ilaa iyo haatan oo uu yahay wasiirka Madaxtooyada si gaar ah ugu dhaca Jeebkiisa shaqaalaha ka shaqeeyana aanay wasiirka wasaarada duulista iyo hawadu aanu maamulin ee laga maamulo xafiiska wasiir maxamuud xaashi uu ku leeyahay  madaxtooyada dalka
                                                                             Lasoco qabta 2aad
    Share
    November 5, 2017, 8:20 pm
  • Nuxurka Isku Shaandhaynta Caawa Iyo Calankii Maxamuud Xaashi Oo Ciida Galay Faalo
    Nuxurka Isku Shaandhaynta Caawa Iyo Calankii Maxamuud Xaashi Oo Ciida Galay Faalo
    Nuxurka Isku Shaandhaynta Caawa Iyo Calankii Maxamuud Xaashi Oo Ciida Galay Faalo

    Nuxurka Isku Shaandhaynta Caawa Iyo Calankii Maxamuud Xaashi Oo Ciida Galay Faalo ka run sheegaysa.

    Maxamud xaashi oo dagaal toos ah ku bilaabay beesha biciide,
    Gacanku dhiiglihii taliye casayr diley walaalkii uu wasiir xigeen ka dhigtay, iyo axmed nuur faahiye xilka laga qaaday.
    isku shaandhayn cadho ka muuqato oo qabyo badan leh ayaa caawa ka soo baxday xarunta madaxtooyada somaliland, iyadoo isku shaandhayntan nuxurkeedu ahaaa in maxamud xaashi iyo adeegayaashiisa idman ay dagaal la galaan shirka beesha biciide kaga dhawaaqday sanaag ayaa markii kefedu dhanka kale ugu ciirtay maxamud xaashi ka badheedhay dagaal iyo cadaawad aanu mahadin doonin islamarkaasna wasiirkii beesha ayuu xilka ka qaaday maadaama aan madaxweyne siilaanyo maan iyo miyir jooga ku talin maanta ee yahay maqaar saar.
    Axmed nuur faahiye oo ahaa shaqsi firfircoon isla markaana aan go,aankiisa loo yeedhin ayaa dagaalkani kurisigiisa galaaftay.
    Waxase yaabweyn noqotay markii digreetada lagu arkay gacanku dhiigle cali dubad dhegoole oo maxamud xaashi ka dhigtay wasiir ku xigeen isagoo uga jeeda dhafoor taabasho dagaal oo uu u muujinayo beesha biciide khaasatan ceerigaabo oo guuxa shirkan aad u abaabulaysa.
    hadaba waxa dhowaan dhici doona shirweyne balaadhan oo ceerigaabo ka qabsoomaya balse ina xaashi goray ayaa halka uu cago dhigto iyo mustaqbalkiisa siyaasadeed mugdi badan geliyey.
    Isagoo hore loogu tuhunsanaa inuu qayb ka ahaa shirqoolka sarkaalkan ilaa bedelkiisii ceerigaabo ayaa hada waxa muuqanaysa fariin cad oo arintaas
    Share
    November 5, 2017, 8:15 pm
  • Khilaafka Dunidda Carabtu Waa Qisadii Saddexdii Dibbi
    Khilaafka Dunidda Carabtu Waa Qisadii Saddexdii Dibbi
    Khilaafka Dunidda Carabtu Waa Qisadii Saddexdii Dibbi

    Khilaafka Dunidda Carabtu Waa Qisadii Saddexdii Dibbi

    Wariye : Saciid Faarax Cagjar

    Xaaladda Waddamada Musliminta ayaa maanta u muuqata mid tafaraaruqeeda iyo kala qaybsanaanteedu sii baahayso, waana siyaasad weyn oo ay wakhti hore dejiyeen dalalka reer galbeedka iyo Israa’iil

    Si Meesha looga saaro gebi ahaanba Muslimiin middaysan oo awood leh waxayna reer Galbeedku dhigeen shax qoto dheer oo ay ku abuuraan khilaaf lagaga huriyo dunida Islaamka ah iyada oo la maan-guurinayo awoodooda midnimo waxaanay ka dhigeen lafo geri iyaga ayaa laysku jebiyaa.

     

    Maraykanka iyo Xulafadiisa ayaa burburiyey Dalal badan oo Islaam ah Sida Afganistan, Ciraaq, Liibiya , Siiriya , Yemen iyo Soomaaliya, waxaana ay burburintooda u adeegsadeen qaar ka mid ah dalalka Muslimka waayo qof lagama awood bato ilaa la helo qof u dhow waa halkii ay murtida Soomaaliyeed ka ahayd “Guddin yahay ima aad goyseen haddaan badhkay kugu jirin”

    Khilaafka ka bilaabmay dunida Khaliijka iyo dalka Qadar ayay hurinayaan waddamo shisheeye markaa miyaaney u muuqanayn sheekada aynu halkan hoose ku lafa guri doono, taasoo ka dhigan Saddexda Dibi iyo Libaax .

     

    Waxaa meel ku wada noolaan jirey saddex dibi. Dibiga koowaadi wuu madoobaa, ka labaadina wuu caddaa, midka saddexaadna wuu casaa. Saddexdan dibi nolol fiican ayey ku haysteen meesha ay deganaayeen oo barwaaqo ayey ahayd. Sida ay u joogeen ayaa waxaa maalin maalmaha ka mid ah la soo derisay libaax.

     

    Waxa uu Libaaxii bilaabay inuu wax ugaadhsado, laakiin waxba wuu heli waayey. Muddo ka dib se waxa uu arkay saddexdii dibi. Wuxuu ku tashadey inuu dibiyadan cuno. Laakiin nasiib darro, libaaxii markii uu ku soo dhawaaday dibidii ayey dibidu arkeen libaaxa. Markii ay soo jeesteenna waxa ay hal mar weerar ku soo qaadeen libaaxii, oo ay eryadeen.

     

     

    Libaaxii firxadka ahaa waxa uu ka yaabay sida ay dibidu isugu duubanyihiin. Wuxuuna ku fikiray inuu isku diro dibida, oo uu mid mid u ugaadhsado iyagoo kala jabsan. Wuxuu u dhawaaqay dibidii; wuxuuna ku yidhi, “Walaalayaalow, aan nabad kuwada noolaanno.”

    Saddexdii dibi aad ayey u farxeen. Waxay ku farxeen inuu maanta libaaxu nabad raadis yahay. Waxayna ogaayeen inay nabaddu ay iyaga u fiican tahay, oo ay ku badbaadi karaan. Waxaanay ku jawaabeen, “Waayahay libaaxow.”

     

     

    Markii ay libaaxii iyo dibidii is dhex galeen ayaa waxa uu libaaxii bilaabay inuu dibida isku diro. Goor fiid ah ayuu libaaxii la sheekaystay dibigii madoobaa iyo kii casaa. Waxa uuna ku yidhi:

    “Ma ogtihiin in dibiga caddi uu khatar inoo keeni karo: Habeenkii marka ay gudcurka tahay ayaa midabkiisa caddaanka ah la soo raaci karaa. Waxaana la ogaan karaa inaynu meeshan barwaaqada ah deggan nahay. Waana layna soo weerari karaa, oo meesha laynaga saari karaa. Marka, saw ma habboona inaan dibiga cad iska qabanno, oon araggiisa qarinno?”

     

    Labadii dibi waxay isku mar yidhaahdeen, “Alla haa. Waa runtaa libaaxow.” Waxa ayna isla habeenkiiba dileen dibigii caddaa. Raqdii dibiga cadna waxaa goor saq-dhexe ahayd u tegay libaaxii, oo cunay. Labadii dibi ee hadhayna kama aysan war-haynin in uu libaaxu cunay dibiga dhintay.

     

    Isla habeenkii xigay, waxa uu libaaxii la sheekaystay dibigii madoobaa. Waxa uuna ku yidhi, “Ma ogtahay in dibiga casi uu khatar inoo keeni karo: Marka ay qorraxdu kululaato waxa uu dibiga casi uraa dhiig-dhiig. Waana laynagu soo raaci karaa haddaynaan caawa iska qaban.”

     

    Dibigii madoobaa waxa uu ku yidhi libaaxii, “Waa runtaa libaaxow. Laakiin, keligay ma dili karo dibiga case, adiga kaalay oo i raac oo ila dil.” Libaaxii iyo dibigii madoobaa waxa ay soo dileen dibigii casaa. Saq-dhexe markii ay ahaydna waxaa raqdii dibiga cas cunay libaaxii. Dibigii madoobaana kama war-haynin.

     

    Isla maalintii xigtay, waxa uu libaaxii ciddiyaha u soo soofeystay dibigii madooobaa. Markii uu dibigii madoobaa arkey in libaaxa uu ka xoog badan yahay oo dilayo ayaa waxa uu yidhi, “Saaxiibkii dile, silic baa u dambeeya! , Maanta man dhiman ee maalintii dibbiga cad la dilay ayaa dhinat ”

    Waxaa xaqiiq ah in Waddamada Islaamka la loodin Karin inta ay midaysan yihiin sidaa darteed waxaa la doonayo in laysku jebiyo marka ay itaal beelana si yar loo u gaadhsado

     

    Ugu danbayn Xukumadda Somaliland waxaa ugu baaqayaa inay dhex ka ahaato Khilaafka Waddamada Islaamka oo ay ka shaqayso midaynta dadkeeda iyo Dunida Muslimka ah “

    Share
    November 5, 2017, 8:14 pm
  • xisbiga kulmiye oo ku fashilmay magacaabistii xubnaha kaambaynka ee gobolka saraar WQ-Aqoonyahan Faysal Diiriye.
    xisbiga kulmiye oo ku fashilmay magacaabistii xubnaha kaambaynka ee gobolka saraar WQ-Aqoonyahan Faysal Diiriye.
    xisbiga kulmiye oo ku fashilmay magacaabistii xubnaha kaambaynka ee gobolka saraar WQ-Aqoonyahan Faysal Diiriye.

    xisbiga kulmiye oo ku fashilmay magacaabistii xubnaha kaambaynka ee gobolka saraar. waxaa ka hadhay waqtigii kaambaynku bilaabmayey 2 casho sidaas oo ay tahay wuxuu xisbigu ku fashilmay inuu wax olole kaambayn ah ka dhaqaajiyo gobolka saraar (caynabo) iyo degmooyinkiisa yaa ka masuul ah arintaas waxaan soo qaadanaynaa dhawr arimood oo loo aanaynayo sababta.

    1.wasiiro si khalad ah kulmiye hore u mulkisiiyey awooda gobolka oo saami khaldan ka raba iminkana aan rajo wanaagsan ka qaban wasiirnimadooda haddii kulmiye soo noqdo haddii kalena daaba.

    2. baadi kugu raagtay yedaa baad moodaa oo ah in reer qudhi wada qaato maamulkii kulmiye dawlada iyo wixii soo baxaba markii dadkii kale arkayna la yaaban oo u qaadanla in cid kaloo hanlihibs timaado.

    3. karti daro hogaanla sare ee xisbiga ah oouu qiimayn kari waayey dad codla doonaya oo aan cidiba dan kalahayn taasoo ka bilaabmaysa xubnaha sare ee beesha habarjeclo u metala xisbiga oo garan kari waayey doorkoodii masuuliysdeed iyo kala hagaajinta reerkooda gabayna shaqadii ay lahaayeen taasoo kuu cadaynaysa inaanay xisbina wax u tarayn haday tii reerkoodaba .

    Gudoomiyaha xisbiga oo aan kals ogaynba halkay wax u marayaan ba iyo waxa ks khaldan ama u saxan iyo masuuliyadiisa gobolada mise codka dadkaad ayaan kulmiye rabin isku soo duuboo bal kataliya arinta axada xisbigii ololaha u leeyahay aan gobolkaas oo dhan guri laga kirayn gudiyo tuulo laga samayn waxba loo sheegin cidi aanay u tegin .

    Share
    November 5, 2017, 7:58 pm
  • Ku naso Hees cajiiba Iyo kooxda….
    Ku naso Hees cajiiba Iyo kooxda….
    Ku naso Hees cajiiba Iyo kooxda….

    Share
    November 5, 2017, 7:58 pm
  • Somaliland: Khubadda Muuse Biixi Ku Hambalyayn Doono WADDANI Marka Doorashada Laga Helo
    Somaliland: Khubadda Muuse Biixi Ku Hambalyayn Doono WADDANI Marka Doorashada Laga Helo
    Somaliland: Khubadda Muuse Biixi Ku Hambalyayn Doono WADDANI Marka Doorashada Laga Helo

    Waxa aan ku qarway iyada oo uu Xisbiga WADDANI ku guulaystay doorashada Madaxtooyada ee dalka ka dhacaysa 13ka Nofermber 2017ka. Waxa farxad ah in ay si nabadgelyo ah ku dhammaato oo aanay deerana deero u hirdiyin. Iyada oo la fili karo in aqbalaad laga filo murashixiinta UCID iyo KULMIYE, waxa khubad malabku da’ayo oo hurdada iga toosisay warbaahinta ka jeeday Guddoomiyaha ama Murashaxa KULMIYE Md Muuse Biixi Cabdi. Si dareen-taabad iyo dal-jacayl leh ayuu bulshada u hogatusay.

    Khudbaddii uu Mujaahid Muuse Biixi Cabdi jeediyay 25ka Nofermber 2017ka oo ah maalin kaddib markii lagu dhawaaqay natiijada doorashadu waxa ay u dhignayd sidan:

    “Bismillah, ugu horreyn waxa mahad leh Ilaahay. Mar labaadna waxa aan bariido gaadhsiinayaa bulshada Somaliland barkasta oo ay joogaan. Aniga oo ku hadlaya afka xisbiga KULMIYE, waxa aan sharfayaa bulsho-weynta dunida ee Somaliland ku barbartaanagyd doorashadii saddexaad ee loogu tartamo Madaxtooyada, ahna doorashadii lixaad ee dalka ka qabsoonta kaddib markii aynu 18kii Mey 1991kii madax-bannaanida la soo laabannay.

    Sida dastuurkeennu dhigayo qof kasta oo Somaliland u dhashay waxa uu gar u leeyahay in la doorto iyo in uu cid doorto. Aniga oo raacay hannaankaas sharciga ah waxa aan isu taagay doorashadii Madaxtooyada ee Somaliland ka qabsoontay 13kii Nofember 2017ka, waxaana loollankaas ka qayb-galay saddex murashax iyo saddex ku-xigeen oo ka socday saddexda xisbi ee Somaliland ka jira.

    Waxa aan ahaa murashaxa keliya ee ka qayb-galay halgankii dib-u-xoreynta Somaliland isla markaasna goobjoogga u ahaa dhammaan shirarkii la soo noqoshada xorriyadda, dib-u-heshiisiinta iyo xasilinta qaranka. Xisbiga KULMIYE ee aan ka beretamay waxa uu talada dalka hayay toddoba sano, wax badan ayaanu ka qabtay xilka ummaddu u dooratay sannadkii 2010ka, maadaama oo aan dalka abaal badan ku leeyahay, waxa aan filayay in aan ku soo baxo codka ugu badan ee ay muwaaddiniintu dhiibanayaan, loollan hufan ayaanu xisbi ahaan galnay annaga oo soo bandhignay barnaamij aanu rabnay in aanu kalsoonida codeeyayaasha ku helno, dedaal kasta oo aanu galnayna gari laba nin kama qosliso. Si kastana aniga oo cirro leh la igama filayo inaan carqaladeeyo carrigii aan gobbannimadiisa u cooflaystay ee aan sida aarka caymaha cidla’da u galay.

    Qof ayuun baa talada qaranka gacanta ku dhigi lahaa. Aniga oo aan is-faanaynnin, waxa aan isu arkayay dad badanina igu raacsanaayeen in ahaa hormoodka ugu habboon in uu hago qaranka oo uu noqdo madaxweynaha shanaad ee xilka kala wareega Md Axmed Maxamed Maxamuud (Siilaanyo).

    Sida ay ku dhawaaqeen Komishanka Doorashada Qaranka oo u xilsaarnaa kala-saarista xisbiyadu, waxa aanu galnay kaalinta labaad. Maadaama oo aan hore u saxeexay aqbalaadda natiijada, waxa waajib ah in aan maantana ku qanco rabitaanka shacabkeenna iyo dadka Somaliland. Sidaas awgeed waxa aan hambalyo u dirayaa Madaxweynaha Cusub ee Somaliland Dr Cabdiraxmaan Maxamed Cabdillaahi, Madaxweyne-ku-xigeenka Dr Maxamed Cali iyo taageerayaasha, masuuliyiinta iyo bahweynta WADDANI oo aan leeyahay waan idiin qiray guusha aad hanateen, waxaanan ahay muwaaddin u hoggaansan xeerka dalka ee aad nagu hoggaamin doontaan. Waxa kale oo aan bogaadinayaa Murashixiintii UCID gaar ahaan Engineer Faysal Cali Waraabe oo haddii aan kaftamo caan ku ahaa in uu mar walba galo kaalinta saddexaad. Tanaasulkii dhaqanka inoo ahaa ayuu muujiyay.

    Haddii aan erey kale ku duurxalana dee ma filaynnin in WADDANI na dheer yahay tilmaan uu ku gacan-sarreeyo laakiin hore ayaa loo yidhi “Wixii cusub caalamkaa jecele” waxa ay shacbigu doorbideen in ay tijaabiyaan xisbigaas ku cusbaa garoonnada loolanka. Haddii aanu WADDANI ku xaman jirnay in uu ahaa layli, waxa laga rabaa in uu noqdo hayin biyo-ma-daadshe ah. Mar walbana waxa inaga dhexeeye ee dal, dad, diin iyo dan ah ayaa ka weyn waxa aynu ku kala duwannahay. Damiirka noolina wuxuu farayaa in la ahaado ul iyo diirkeed.

    Haddii maalin lagaa guulaysto, micnaheedu ma aha in aad fashilantay oo aanad tallaabo dambe qaadi karin. Sidii uu Xisbiga KULMIYE 80ka cod ugu qancay 2003dii, isla markaana uu guusha weyn u gaadhay 2010kii, waxan ahay murashax filaya inuu mar kale isu taago doorashada 2022ka. Dhawritaanka ummaddayda, aqbalaaddayda natiijada ee waddaniyadda leh, go’aankayga aan ku badbaadiyay wadajirka bulshadeenna iyo bisaylka siyaasadeed ee aan muujiyayna waxa aan filayaa in ummaddaydu noogu abaal-gudi doonto loollanka dambe haddii Eebbe idmo.

    Guul-darradu waxa ay ku bartaa jidka guusha, hadda waxa aynu haynnaa fursad aynu goldalooladeenna ku qabya-tirno, sidoo kalena waxa aynu nahay waayo-arag casharro ka bartay tababarka dimuqraaddiyadeed ee faro-ciddidood la inagaga badiyay. Ha niyad-jebina, ha baydhia, ha baraq-lugnaannina, baqoolka diyaar u ahaado, weysaduna sidii iyo si ka badan ha idiinku biyaysnaato.

    Sida dad badani igu dhaliilaan ama laga yaabo in la iiga filayay qas iyo qalalaase, marna ku kici maayo, igamana suurtawdo in aan ku tallaabsado naxli kala geeya dadkeenna midaysan. Hore waxa aan waddankayga u gashaday wanaag badan, imaka iyo mustaqbalkana waxa aan ahaanayaa SAMOTALIS ku dhiirran dhismaha, horumarka iyo taabbaqaadkiisa qarankiisa. Guddoonka san iyo niyad-sami aanu ku qaabbilnay natiijadii doorashadu waxa ay laban-laabi doontaa sumcadda iyo xidhiidhka ka dhexeeya Somaliland iyo caalamka sida dalalka deriska ah, Midawga Afrika, Qaramada Midoobay iyo cid kasta oo dananaysa badhaadhaha mandaqadda xasaasiga ah ee Geeska Afrika.

    Ugu dambayntii waxa aan taageerayaasha KULMIYE ku dardaarayaa in ay maanka ku hayaan in halkiisii uu yahay halganka aynu ugu jirno hanashada dalku, waxa kow la yidhiba wuu kooban yahay. Ummadda Somalilandna waxa aan ku dardaarayaa in ay u midoobaan dedaalka aynu jirno ka-midha-dhalinta qaddiyadda qarankeenna gudo iyo dibadba. Sidoo kale waxa aan u hanweynahay in aynu dhawrno sharciga dalka oo ah ka aynu ku leennahay milgaha, maamuuska iyo meeqaamka sare.

    Ilaahayna waxa ay ka baryayaa in uu xilka u fududeeyo masuuliyiinta loo doortay hoggaaminta qaranka. Reer Somalilandna waxa aan leeyahay guul, guul, guul”

    Siciid Maxamuud Gahayr
    Facebook: Siciid Maxamuud Gahayr
    saedmgahair@hotmail.com, siciidgahayr@gmail.com

    Share
    November 5, 2017, 7:15 pm
  • Kulmiyow meeday dhawratdii abaarahu, meeday biyo galintii Xunboweyne iyo iibkii dekada
    Kulmiyow meeday dhawratdii abaarahu, meeday biyo galintii Xunboweyne iyo iibkii dekada
    Kulmiyow meeday dhawratdii abaarahu, meeday biyo galintii Xunboweyne iyo iibkii dekada

    WAA CADAAN IN TAAJIR, QURBA JOOG, GUDA JOOG LOO DAMQADAY BULSHADEENII ABAARTU KU DHUFATAY EE GELGELINTA SOO FADHIISTAY
    LOO DAATAY CUDUR IYO ANFAC LAAN MUDH CAYDHA NOQDAY,MUCSUR QAAWAN KA FARA BAXAY
    WIXII XOOLO AY LAHAAYEEN,
    WAXA LOO BAAJAY XUSKII GOONI ISKU TAAGA SOMALILAND TII OO LOOGU
    MAGAC DARAY SABATA BIXINTA DADKA CAYDHOOBAY EE ABAARUH SAAMEEYEEN, GOOBTII WAXA LAGU YABOOHAY TOBAN MILLION OO DOOLAR,
    WAA CASIMADA HARGEISA IYO GOBOLADA HABEENKII U HOREEYAY,
    DADKA WAXA KU DHUFTAY KALOORE LOOGU MAGAC DARAY SHUBAN BIYOOD,
    BOQOLAAL MILYAN OO KALE SHANTA QAARADOOD SOMALIDA IYO SOMALILANDERS DAWLADAHA TURKIGA XALIIJA ISKANDIIFIYANKA IYO HEYADAHA
    MADAX BANAAN EE GARGAARKA BINIAADANIMO WAY SOO GURMADEEN MOOD IYO RAASHIN
    SUAASHU DAWLADAAY MEE MUCAAWINADII MASAAKIINTA ABAARTA IYO KALOORUHU KU HABSADAY?
    WAA KAA KULMIYAHA DADKA KU LE WAXBAAN IDIIN QABAN DOONAA MUWAADIN,
    MASHRUUCII EMAARAADKU LACAGTA KU BIXIYEY BIYO GELINTA CAASIMADA EE XUMBA WEYENE IYO GEED DEEBLE LACAGTII MALAAYIINKU MEE KULMIYE?
    DEKEDII LAF DHABARTA U AHEYED NOLOSHA SOMALILAND LACAGTII AAD KU GADEEN AAWAY?
    TIJAARTA YAR YAR EE SOMALILAND LACAGTII KOR LOOGU SOO QAADAYEY
    EE BOQOLAALKA MILLION LAGU BIXI YEY MEE KULMIYE?
    BIL GATE NINKA ADOONKA UGU TAAJIRSAN EE LEH SOFT WARE EE MAREYKANKA HA
    MILLONKII UU DADKA DHIBANAYAASHA ABAARUHU WIIQEEN UGU DEEQAY
    KULMIYE GAAL BAA TTVGA KA NAXAY DADKA MACALUUSAN ADNA WAAD QANIIMAYSATA SUMXAANA LAAH,KULMIYE
    MEE?

    KULMIYE DAMBIGA DALKA IYO DADKA KA GASHAY WAXAN AAD UGA CABSI QABAA
    IN BOQORKU INOOGU CADHOODO EE BULSHADAAY IN AAN LA INAGU ROGIN
    DUNUUBTA KULMIYE AAN KA DUCAYSANO
    ALLAAHU MA NAJEYNAA SHARU DAALIMIIN.

    XAQ U DIRIR

    MUSA AW HASSAN LODOON
    AWDALI DUBAI

    Share
    November 5, 2017, 7:14 pm
  • Daawo Masuuliyiinta Garabka Dhalinyrada Xisbiga Wadani Oo Kulan Balaadhan la Yeeshay Dhalinyrada Gobolka Sanaag
    Daawo Masuuliyiinta Garabka Dhalinyrada Xisbiga Wadani Oo Kulan Balaadhan la Yeeshay Dhalinyrada Gobolka Sanaag
    Daawo Masuuliyiinta Garabka Dhalinyrada Xisbiga Wadani Oo Kulan Balaadhan la Yeeshay Dhalinyrada Gobolka Sanaag

    Daawo Masuuliyiinta Garabka Dhalinyrada Xisbiga Wadani Oo Kulan Balaadhan la Yeeshay Dhalinyrada Gobolka Sanaag

    Share
    August 16, 2017, 1:20 pm