Xaaladda Magaalada Boosaaso Iyo Ganacsiga Oo Hakad Ku Jira + Sababta Kaliftey
Sanaagmedia

Xaaladda Magaalada Boosaaso Iyo Ganacsiga Oo Hakad Ku Jira + Sababta Kaliftey

November 29, 2017 12:08 pm in Features, News.  by .

Xaaladda Magaalada Boosaaso Iyo Ganacsiga Oo Hakad Ku Jira + Sababta Kaliftey

Waxaa xidhan in badan oo kamid ah ganacsiga magaalada Bosaaaso, shirkadaha waaweyn ayaa albabada u xidhey xarumahoodi ganacsiga, sidaas si lamid ah waxaa sameeyey ganacsatada yaryar ee Suuqa weyn ee Boosaaso.

Albaabada meheradaha ganacsiga waxaa horfadhiya shaqaalihii iyo mulkiilayaashii ganacsiga, markii la weydiiyo sababta ay ganacsiga u xidheen ayey sheegayaan in ay tahay muranka ka taagan dekadda Bosaso darteed, iyo iyaga oo ka cabsi qaba in mudaaharaado dhacaan kuwaas oo sababi kara in ay soo dhex galaan kuwo boob iyo dhac raadineysa.

 Xaaladda Magaalada Boosaaso Iyo Ganacsiga Oo Hakad Ku Jira + [ Sababta Kaliftey ]

 

In badan oo kamid ah magaalada waxaa lagu arkayaa ciidamo gaaf wareegaya, gaar ahaan dariiqyada muhimka ah. Rugta ganacsiga ee Puntland xarunteeda waxaa taagan ciidamada amaanka oo wata gaari nooca shabaqlaha ah, waxaa wararku sheegayaan in qaar kamid ah ganacsatadu ay ku jiraan xarunta rugta ganacsiga.

Doonyihii iyo maraakiibtii ku xidhnaa dekadda Bosaso ayaa ka shiraacdey halkaas waxaana ay baroosinka dhigteen meel aan ka fogeyn dekadda.

Kiraalayaasha Doonyaha iyo qaar kamid ah ganacsatadu waxay diidan yihiin lacagta khidmadda dekadda ee la kordhiyey iyo weliba canshuurta sida ay sheegayaan, maamulka ayaa ku doodaya in dekadda Bosaso ay tahay midda ugu khidmadda yar marka loo eego dekadaha kale ee dalka ka jira.

Dekadda Bosaaso waxaa lagu wareejiyey shirkad laga lee yahay dalka Imaraadka Carabta oo lagu magacaabo P&O Ports, heshiis dhigaya 30 sano iyo in shirkaddu dib u dhisto dekadda oo ballaariso, kadib wareejintii dekadda waxaa bilowdey muran u dhexeeya maamulka Puntland iyo Ganacstada iyo weliba kiraalayaasha doonyaha masuulka ka ah ee loo yaqaan Arbaabada.

Share